Langþráð bók eftir langvinsælasta höfund í heimi!

Táknfræðingurinn Robert Langdon er óvænt boðaður til að halda erindi í þinghúsinu í Washington. Örfáum mínútum eftir komu hans finnst þar sérkennilegur hlutur – með fimm táknum. Langdon ber kennsl á hlutinn sem ævaforna útnefningu ... sem geti opnað hinum útnefnda leið inn í valinn hóp þeirra sem ráða yfir leyndri visku aldanna.

Dan Brown skaust upp á stjörnuhimininn með bók sinni Da Vinci lykillinn árið 2004 og hefur hún selst í yfir 82 milljónum eintaka. Allar götur síðan hafa aðdáendur hans beðið í ofvæni eftir nýrri spennusögu eftir hann. Lesendur og gagnrýnendur hafa tekið Týnda tákninu opnum örmum og ljúka upp einum munni um að Dan Brown sé einstakur höfundur.

1. sæti á metsölu lista NYT fyrstu 7 vikurnar eftir að hún kom út. Nú í 2. sæti síðustu 2 vikurnar.

Ástarsöguþýðandinn Magni er nýkominn úr áfengismeðferð. Fyrrum eiginkona hans, sem er lögreglukona, hringir og biður hann um aðstoð við lausn á morðmáli en fórnarlambið tengist samtökum óvirkra alkóhólista. Smám saman fjölgar líkunum, morðin eru kerfisbundin og hrottaleg og alltaf er einhver einkennileg tenging við samtökin. Fyrr en varir þarf Magni ekki aðeins að glíma við eigin breiskleika heldur fer fólk einnig að týna tölunni í kringum hann - og böndin að berast að honum sjálfum.

SPOR er fyrsta bók Lilju Sigurðardóttur.

"Spor er fyrsta saga Lilju Sigurðardóttur og skemmst er frá því að segja að ferillinn byrjar vel ...  Textinn er lipur og rennur vel áfram og höfundi tekst að búa til spennu; sem er jú aðalkrafan gagnvart spennusögum ... Spennandi saga sem gengur upp."
Kolbeinn Óttarsson Proppé, Fréttablaðið

Fínasta spennusaga, vel byggð og metnaðarfull.
Steinunn Inga, Morgunblaðið

Klárlega bók sem ég kem til með að gefa í einhvern jólapakkann í ár.
Kolbrún Skaptadóttir er mikill bókaormur.
 

Lisbeth Salander er eftirlýst. Tveir Millenium-blaðamenn sem hafa unnið grein um mansal og kynlífsviðskipti eru drepnir og fingraför hennar eru á vopninu. Blöðin grafa upp sögur af ofbeldisfullu framferði hennar og samfélaginu stendur ógn af henni. En hvar er hún?

Blaðamaðurinn Mikael Blomkvist trúir ekki að Lisbeth sé morðingi. Á Millenium leggjast allir á eitt við að draga fram sannleikann í málinu, en hann er ekki alltaf fagur. Ofbeldi og spilling hafa sett mark sitt á fortíð Lisbeth Salander. En hún lætur engan eiga neitt inni hjá sér.

Stúlkan sem lék sér að eldinum er önnur bókin í Millennium-trílógíu Stiegs Larsson, sem hefur farið sigurför um heiminn.

Ungur Íslendingur tekur sér ferð á hendur til að hitta þjóðina sem virðist ekki geta hætt að bjarga okkur. Í Þórshöfn kynnist hann færeyskum verkamönnum, landflótta Íslendingum, málaörðugleikum og löngum þögnum. Í þessari óvenjulegu ferðasögu um eyjarnar átján er sjónarhorninu beint að frændum okkar Færeyingum – en ekki síður hinu nýja Íslandi.

Huldar Breiðfjörð var tilnefndur til Íslensku bókmenntaverðlaunanna fyrir bók sína Góðir Íslendingar.

"Falleg bók. Og á óvæntan hátt kannski ein besta bókin um hrunið."
Hallgrímur Helgason á Facebook

"óvæntar hugrenningar um hversdagslega hluti, einfaldar en snjallar sviðsetningar og vel skrifuð og upplýsandi samtöl um allt og ekkert."
Einar Falur, Morgunblaðið

"skemmtileg og einlæg,"
Ingi F. Vilhjálmsson, DV 

"... Virkilega flott bók. Fyndin, falleg og lymskulega djúp. Takk fyri. Bei."
Stefán Máni, Feisbúkk 22 nóvember

Lisbeth Salander á harma að hefna – gegn manninum sem reyndi að myrða hana og stofnunum sem tókst næstum að eyðileggja líf hennar. Lisbeth er á gjörgæslu, grunuð um þrjú morð og eitt morðtilræði. Hún þarf ekki aðeins að sýna fram á sakleysi sitt, heldur afhjúpa gjörspillta embættis- og stjórnmálamenn sem hafa látið misnotkun og ofbeldi viðgangast í þágu kerfishagsmuna. Hún nýtur aðstoðar Mikaels Blomkvist, blaðamanns, og félaga hans á tímaritinu Millenninum.
 
Eitt sinn var Lisbeth Salander fórnarlamb. Nú snýst hún til varnar.

BEINT Í 2. SÆTI Á METSÖLULISTA EYMUNDSSON

* * * * Þórarinn Þórarinsson, DV, 25. nóvember

Tilnefnd til þýðingaverðlaunanna

Jackson Brodie er fyrrverandi lögreglumaður, núverandi einkaspæjari. Á heitu sumri í Cambridge rekur á fjörur hans misgömul og að því er virðist óskyld mál, en alls staðar koma týndar stúlkur við sögu. Þó að málin tengist ekki neitt á yfirborðinu, uppgötvar Brodie smám saman að ólíklegustu hlutir geta átt ýmislegt sameiginlegt. Manneskjan er söm við sig.

Málavextir er þriðja skáldsaga Kate Atkinson en með sögunni þykir henni hafa tekist að sameina glæpasögu og fagurbókmenntir með glæsilegum árangri. Atkinson hlaut Whitbread verðlaunin fyrir sína fyrstu skáldsögu, Behind the Scenes at the Museum.

„Grípur lesandann föstum tökum og sleppir ekki af  honum hendinni ... Málavextir er dýpri og líflegri en  venjulegar spennusögur og meira spennandi en hefðbundnar skáldsögur.” New York Times

"Málavextir er of gæjaleg til að vera „kellingabók“ en of vönduð og hjartnæm til að vera töff. Hún fetar línuna innan þessara marka og tekst þegar best lætur að vera hvorutveggja í senn."
Bergur Ebbi, Midjan.is 

"Málavextir eftir Kate Atkinson er besta bókin á jólamarkaðnum. Listilega þýdd saga þriggja fjölskyldna með einkaspæjarann Jackson Brodie í forgrunni."
Eiríkur Jónsson, dv.is

Eftir höfund Yacoubian-byggingarinnar 

Ástríður, trúmál, peningar og pólitík eru drifkraftarnir í þessarinýju skáldsögu Alaa al Aswany. Hér  segir frá lífi Egypta við nám ogstörf í læknadeild Háskólans í Illinois og Ameríkönum sem þeimtengjast. Persónugalleríið er fjölbreytt og höfundurinn dregur uppljóslifandi mynd af flóknu og átakamiklu samspili tveggjamenningarheima. Fyrst og fremst er þetta þó magnþrungin saga af örlögumfólks; vináttu og öfund, heiðri og metnaði, ástinni og dauðanum.

Tíminn er stundum bölvað kvikindi, færir okkur allt til þess eins að taka það burt aftur. Það eru þrjár vikur síðan strákurinn kom í Plássið með stórhættulegan skáldskap á bakinu og vegalengdin milli Bárðar og lífsins eykst miskunnarlaust með hverjum degi.

Jens landpóstur er kominn í Plássið, rétt slapp undan norðanvindinum þótt komið væri vor. Saman fara þeir strákurinn yfir að Vetrarströndinni, það eru apríllok og snjókoman tengir saman himin og jörð, þurrkar út áttirnar og landslagið. Hafi djöfullinn skapað eitthvað í þessum heimi, fyrir utan peningana, þá er það skafrenningur uppi á fjöllum.

"... áhrifamikil og spennandi lesning ..." - Páll Baldvin Baldvinsson, Fréttablaðið 17. okt

 "Snilldarverk. Ég ætla bara að segja einsog er."
Kolbrún Bergþórsdóttir, Kiljan 22. október

"Frásagnartækni Jóns Kalmans nær hér hæstu hæðum."
Gauti Kristmannsson, Víðsjá

* * * * * (fimm stjörnur, fullt hús) "Himneskt"  Steinunn Inga Óttarsdóttir, Morgunblaðið 

Tilnefnd til íslensku bókmenntaverðlaunanna

Á kaldri vetrarnóttu er löngu brottfluttur Íslendingur allt í einu staddur fyrir utan heimili æskuástarinnar, á Seltjarnarnesi. Þau áttu saman sjö mánuði fyrir sautján árum en hafa ekki sést síðan. Hún hefur aldrei vikið úr huga hans. Hvað gerist í nótt? Ævilok eða nýtt upphaf?

Góði elskhuginn er heillandi saga um ást og aðskilnað, einsemd og eftirsjá, hamingju og vonbrigði – og amerískan geðlækni sem skrifar raunveruleikaskáldsögu með fræðilegu ívafi.

Steinunn Sigurðardóttir hefur um langt árabil verið í hópi virtustu og vinsælustu rithöfunda þjóðarinnar, bæði heima og erlendis. Ísmeygileg gamansemi, fágaður stíll og einstök innsýn í heim ástarinnar eru einkenni þessarar glæsilegu skáldsögu sem kallast um margt á við ástsælar bækur Steinunnar, Tímaþjófinn og Ástin fiskanna.

"Þetta er blátt áfram bráðfalleg saga um ást og aðskilnað, um endurfundi og óendurgoldna ást, um móðurást, um ofurást og um eirðarlausan ferðamann sem þráir að verða hamingjumaður ... mergjaður skáldskapur."
Þröstur Helgason, Víðsjá

Það er makalaust að geta skrifað um ástir án þess að klisjurnar hrannist upp eða tilfinningarnar sem lýst er verði fjarlægar og upphafnar. En í Góða elskhuganum er sýnin alltaf fersk á þetta aldagamla viðfangsefni, og það er ekki síst að þakka sérstakri blöndu höfundarins af hlýju og húmor. Því þótt nóg sé af íróníu verður bókin aldrei kaldhæðin, hlutskipti ástarinnar hvorki léttvægt né væmið, heldur vermir sál á köldum degi.
Gunnþórunn Guðmundsdóttir, bokmenntir.is